Sunday, December 11, 2016

वीर पुत्र शहीद जवान संभाजी कदम
यांच्या कुटुंबियांचे मुख्यमंत्र्यांकडून सांत्वन
राज्य शासनाच्यावतीने 15 लाख रुपयाची आर्थिक मदत
नांदेड, दि. 11 :- जिल्ह्यातील लोहा तालुक्यातील जानापुरी येथील वीर पुत्र शहीद जवान संभाजी यशवंत कदम यांच्या कुटुंबियांची राज्याचे मुख्यमंत्री देवेंद्र फडणवीस यांनी त्यांच्या घरी जावून आस्थेवाईकपणे विचारपूस करुन सांत्वन केले. राज्य शासनाच्यावतीने आ
र्थीक मदतीचा 15 लाख रुपयाचा धनादेश त्यांच्या पत्नी शीतल कदम यांच्याकडे सुपूर्द केला.
मुख्यमंत्री देवेंद्र फडणवीस यांनी आपल्या कुटुंबियांच्या दु:खात आम्ही सहभागी असून शासन तुमच्या पाठीशी खंबीरपणे उभे आहे, अशा शब्दात कुटुंबियांना त्यांनी धीर दिला. यावेळी शहीद संभाजी कदम यांचे वडील यशवंत, आई लताबाई, पत्नी शीतल, मुलगी तेजस्वनी, नातेवाईक उपस्थित होते.
यावेळी राज्याचे कौशल्य विकास व उद्योजकता, कामगार , भूकंप पुनर्वसन, माजी सैनिक कल्याण मंत्री संभाजी पाटील-निलंगेकर, खासदार  सुनिल गायकवाड, आमदार हेमंत पाटील, उपसरपंच बळीराम कदम, जिल्हाधिकारी सुरेश काकाणी, प्रभारी उपविभागीय अधिकारी अरुणा संगेवार, जिल्हा सैनिक कल्याण अधिकारी मेजर व्ही. व्ही. पटवारी, अधिकारी, ग्रामस्थ आदी उपस्थित होते.
0000000

  
मुख्यमंत्री देवेंद्र फडणवीस यांचा नांदेड जिल्हा दौरा
नांदेड, दि. 11 :- राज्याचे मुख्यमंत्री  देवेंद्र फडणवीस हे नांदेड जिल्ह्याच्या दौऱ्यावर असून त्यांचा दौरा कार्यक्रम पुढील प्रमाणे राहील.
सोमवार 12 डिसेंबर 2016 रोजी सकाळी 9.20 वा. मोटारीने नांदेड विमानतळाकडे प्रयाण. सकाळी 9.30 वा. नांदेड विमानतळ येथे आगमन. सकाळी 9.35 वा. नांदेड विमानतळ येथून हेलिकॉप्टरने हदगावकडे प्रयाण. सकाळी 9.50 वा. हदगाव हेलिपॅड येथे आगमन. सकाळी 9.55 वा. मोटारीने सभास्थळाकडे प्रयाण. सकाळी 10 वा. सभास्थळ येथे आगमन व हदगाव नगरपरिषद निवडणूक प्रचार सभा. सकाळी 10.40 वा. सभास्थळ येथून मोटारीने हेलिपॅडकडे प्रयाण. सकाळी 10.45 वाजता हदगाव हेलिपॅड येथे आगमन. सकाळी 10.50 वा. हेलिकॉप्टरने धर्माबादकडे प्रयाण. सकाळी 11.05 वा. धर्माबाद हेलिपॅड येथे आगमन व मोटारीने सभास्थळाकडे प्रयाण. सकाळी 11.10 वा. सभास्थळ  येथे आगमन व धर्माबाद नगरपरिषद निवडणूक प्रचार सभा. सकाळी 11.55 वा. सभास्थळ येथून मोटारीने हेलिपॅडकडे प्रयाण. दुपारी 12 वा. हेलिपॅड येथे आगमन व हेलिकॉप्टरने कुंडलवाडीकडे प्रयाण. दुपारी 12.10 वा. कुंडलवाडी हेलिपॅड येथे आगमन व मोटारीने सभास्थळाकडे प्रयाण. दुपारी 12.15 वा. सभास्थळ येथे आगमन व कुंडलवाडी नगरपरिषद निवडणूक प्रचार सभा.  दुपारी 1 वा. सभास्थळ येथून मोटारीने हेलिपॅडकडे प्रयाण. दुपारी 1.05 वा. हेलिपॅड येथे आगमन. दुपारी 1.10 वा. हेलिकॉप्टरने देगलूरकडे प्रयाण. दुपारी 1.20 वा. देगलूर हेलिपॅड येथे आगमन. दुपारी 1.25 वा. मोटारीने सभास्थळाकडे प्रयाण. दुपारी 1.30 वा. सभास्थळ येथे आगमन व देगलूर नगरपरिषद निवडणूक प्रचार सभा. दुपारी 2.15 वा. सभास्थळ येथून मोटारीने हेलिपॅडकडे प्रयाण. दुपारी 2.20 वा. हेलिपॅड येथे आगमन. दुपारी 2.25 वा. हेलिकॉप्टरने मुखेडकडे प्रयाण. दुपारी 2.35 वा. मुखेड हेलिपॅड येथे आगमन. दुपारी 2.40 वा. मोटारीने सभास्थळाकडे प्रयाण. दुपारी 2.45 वा. सभास्थळ येथे आगमन व मुखेड निवडणूक प्रचारसभा. दुपारी 3.30 वा. सभास्थळ येथून मोटारीने हेलिपॅडकडे प्रयाण. दुपारी 3.35 वा. हेलिपॅड येथे आगमन. दुपारी 3.40 वा. हेलिकॉप्टरने नांदेडकडे प्रयाण. दुपारी 3.55 वा. नांदेड विमानतळ येथे आगमन. दुपारी 4 वा. विमानाने गोंदियाकडे प्रयाण करतील.

000000