Wednesday, November 2, 2016

हवामानावर आधारित फळपिकांसाठी
 विमा भरण्यास गुरुवारपर्यंत मूदत
नांदेड, दि. 2 :- प्रधानमंत्री फसल बिमा योजना हवामनावर आधारित द्राक्ष, मोसंबी, केळी आणि आंबा या फळपिकांसाठी अस शेतकऱ्यांनी बँकेत विमा हप्ता भरण्याची अंतिम तारिख गुरुवार 10 नोव्हेंबर 2016 आहे. या अंतिम दिनांकापुर्वी जास्तीत जास्त संख्येने शेतकऱ्यांनी योजनेत सहभागी व्हावे. अधिक माहितीसाठी तालुका कृषि अधिकारी कार्यालयाशी नजीकच्या बँकेशी तसेच संबंधित विमा कंपनीशी संपर्क साधावा असे आवाहन जिल्हा अधीक्षक कृषि अधिकारी नांदेड यांनी केले आहे.
कृषि पदुम विभागाचा शासन निर्णय दि. 29 ऑक्टोबर 2016 अन्वये नांदेड जिल्ह्यातील सन 2016-17 मध्ये प्रधानमंत्री फसल बीमा योजनेअंतर्गत राज्यात पुनर्रचित हवामानावर आधारित पीक विमा योजना अंबिया बहाराकरीता लाग करण्यात आली आहे. योजना कार्यन्वयीत करणारी यंत्रणा, कंपनी ही बजाज अलायझ इन्शुरन्स कंपनी  येरवाडा पुणे 411006 आहे. ही योजना अधिसुचित पिकांसाठी कर्जदार शेतकऱ्यांना सक्तीची राहील आणि बिगर कर्जदार शेतकऱ्यांना  च्छिक राहिल.
विमा हप्ता दर
फळपिक
विमा संरक्षित रक्कम
(नियमित) रुपये
गारपीट विमा
संरक्षित रक्कम
शेतकऱ्यांनी भरावयाचा विमा हप्ता
रक्कम
नियमित
गारपीट
द्राक्ष
243000
93335
12150
4667
मोसंबी
70000
23300
3500
1165
केळी
115000
38300
5750
1915
आंबा
110000
36700
5500
1835

योजना अंमलबजावणी वेळापत्रक अधिसुचित मंडळे
            कर्जदार, बिगर कर्जदार शेतकऱ्यांनी बँकेकडे विमा प्रस्ताव सादर करण्याची अंतिम तारीख 10 नोव्हेंबर 2016 आहे. सदरची योजना जिल्ह्यामध्ये खाली दर्शविल्याप्रमाणे अधिसुचित फळपिकांसाठी, अधिसुचित महसुल मंडळांना लाग राहिल.

अधिसुचित फळपिक
तालुके
अधिसुचित महसुल मंडळे
द्राक्ष
नांदेड
तरोडा बु., तुप्पा, वसरणी, लिंबगां,
विष्णुपूरी.
अर्धापूर
अर्धापूर, दाभड, मालेगाव
मुदखेड
मुदखेड, मुगट, बारड
हदगाव
हदगाव, तामसा, मनाठा, आष्टी
लोहा
शेवडी बा.
भोकर
भोकर
देगलूर
मरखेल, हाणेगाव
मोसंबी
नांदेड
लिंबगाव, विष्णूपूरी
मुदखेड
बारड
अर्धापूर
मालेगाव
केळी
नांदेड
तरोडा बु., तुप्पा, वसरणी, लिंबगाव, विष्णुपूरी
अर्धापूर
अर्धापूर, दाभड, मालेगाव
मुदखेड
मुदखेड, मुगट, बारड
हदगाव
हदगाव, तामसा, मनाठा, आष्टी
लोहा
शेवडी बा.
भोकर
भोकर
देगलूर
मरखेल, हाणेगाव
किनवट
किनवट, बोधडी
आंबा
अर्धापूर
मालेगाव, दाभड

000000
नांदेड तालुक्यातील रा.भा. दुकानदाराची आज बैठक
नांदेड, दि. 2 :-  जिल्हा पुरवठा अधिकारी यांचे अध्यक्षतेखाली नांदेड तालुक्यातील रास्तभाव दुकानदाराची आढावा बैठक तहसिल कार्यालय नांदेड येथे गुरुवार 3 नोव्हेंबर 2016 रोजी दुपारी 4 वा. आयोजित करण्यात आली आहे. तालुक्यातील रास्तभाव दुकानदारांनी बैठकीस उपस्थित रहावे, असे आवाहन तहसिलदार नांदेड यांनी केले आहे.

000000
नांदेड विधानपरिषद निवडणुकीसाठी
आज एक नामनिर्देशन पत्र दाखल
नांदेड, दि. 2 :- महाराष्ट्र विधान परिषद , नांदेड स्थानीक प्राधिकारी मतदारसंघ निवडणूक-2016  साठी नामनिर्देशन पत्र दाखल करण्याच्या सहाव्या दिवशी आज अपक्ष उमेदवार म्हणून निखाते संदीप विजय यांनी एक नामनिर्देशनपत्र दाखल केले आहे, अशी माहिती निवडणूक निर्णय अधिकारी नांदेड जिल्हा स्थानीक प्राधिकारी मतदारसंघ नांदेड कार्यालयाकडून देण्यात आली आहे. नामनिर्देशनपत्रे देण्याचा व स्विकारण्याचा आज शेवटचा दिवस होता.   
विधान परिषद निवडणुकीसाठी अंतिम मुदतीपर्यंत दाखल झालेल्या नामनिर्देशनपत्रांची उद्या गुरूवार 3 नोव्हेंबर 2016 रोजी छाननी होणार आहे. उमेदवारी अर्ज मागे घेण्याची अंतिम मुदत शनिवार 5 नोव्हेंबर 2016 रोजी दुपारी तीन वाजेपर्यंत आहे. यानंतर अंतिम उमेदवारी यादी निश्चित होईल.

0000000
जिल्ह्यातील नगरपरिषद, नगरपंचायत
निवडणुकीसाठी विविध बाबींबाबत निर्बंध आदेश  
            नांदेड दि. 2 :- राज्‍य निवडणूक आयोगाने नगरपरिषद आणि नगरपंचायतीच्‍या सार्वत्रिक निवडणुका तसेच नगरपरिषद अध्‍यक्षांचा निवडणूक कार्यक्रम जाहीर केला आहे. त्यानुसार जिल्ह्यात आदर्श आचारसंहिता अंमलात आहे.  
जिल्‍हयातील या निवडणूक कार्यक्रमाची संपूर्ण प्रक्रिया शांततेत, निर्भय व न्‍याय्य वातावरणात पार पाडण्‍याच्‍या दृष्‍टीकोनातून शासकीय विश्रामगृह, ध्वनिक्षेपक, मिरवणुका, घोषणा, उपोषण, सभा, शासकीय वाहन, वाहनावर प्रचाराचे कापडी फलके, झेंडे लावणे, सार्वजनिक ठिकाणी पक्ष कार्यालय स्थापन करणे, मतदान व मतमोजणी केंद्र, सार्वजनिक ठिकाणी पक्षाचे कापडी फलके, भाषण देणे, नामनिर्देशनपत्र दाखल करतेवेळेस कार्यपद्धती, सार्वजनिक मालमत्तेचे विरुपण याविषयी निर्बंध जारी केले आहेत.
जिल्‍ह्यातील नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात फौजदारी प्रक्रिया संहिता 1973 चे कलम 144 (2) नुसार जिल्हादंडाधिकारी सुरेश काकाणी यांनी हे आदेश काढले आहेत. नामनिर्देशनपत्र दाखल करण्याची प्रक्रिया वगळता हे आदेश निर्गमीत झाल्यापासून दि. 19 डिसेंबर 2016 रोजी मध्यरात्री पर्यंत अंमलात राहतील.
                                                विश्रामगृहाच्या वापरावर नियंत्रण   
शासकीय व निवडणूकीच्‍या कामावर असलेले अधिकारी व कर्मचारी यांच्‍या व्‍यतीरिक्‍त इतर कोणत्‍याही व्‍यक्‍तीस विश्रामगृहात थांबण्‍यासाठी संबंधित खात्‍याने दिलेला अधिकृत परवाना असल्‍याशिवाय किंवा सक्षम अधिका-याच्‍या पूर्व परवानगी शिवाय जिल्‍ह्यातील होणा-या नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात शासकीय, निमशासकीय विश्रामगृहात अथवा त्‍या परिसरात प्रवेश करता येणार नाही.
ध्‍वनीक्षेपक, ध्‍वनिवर्धकाचा वापर नियमन व नियंत्रण
कोणतीही व्‍यक्‍ती, संस्‍था, पक्ष व पक्षाचे कार्यकर्ते यांना ध्‍वनीक्षेपक व ध्वनिवर्धकाचा वापर सक्षम प्रधिका-याच्‍या पूर्व परवानगी शिवाय करता येणार नाही. फिरत्‍या वाहनांवर ध्‍वनिक्षेप व ध्‍वनिर्धकाचा वापर सुध्‍दा सक्षम प्राधिका-याच्‍या पूर्व परवानगी शिवाय करता येणार नाही. महाराष्‍ट्र शासन पर्यावरण विभाग शासन निर्णय दिनांक 31 जुलै 2013 नुसार ध्‍वनिक्षेपक व ध्‍वनिवर्धकाचा वापर ध्‍वनी प्रदुषणाची पातळी विहित मर्यादेत राखून करावी. ध्‍वनिक्षेपक व ध्‍वनिवर्धकाचा वापर सकाळी 6 वाजेपूर्वी आणि रात्री 10 वाजेनंतर करता येणार नाही.
कार्यालये, विश्रामगृहे इत्‍यादी परिसरात
मिरवणूका, घोषणा, उपोषण, सभा घेण्यावर निर्बंध
 निवडणुकीचे कालावधीत जिल्‍ह्यातील होणा-या नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात सर्व उपविभागीय अधिकारी कार्यालये, सर्व तहसिल कार्यालये आणि सर्व शासकीय, निमशासकीय व स्‍थानिक स्‍वराज्‍य संस्‍थेची कार्यालये, विश्रामगृह याठिकाणी कोणत्‍याही प्रकारची मिरवणूक, मोर्चा काढणे, सभा घेणे, उपोषण करणे, कोणत्‍याही प्रकारच्‍या घोषणा देणे, वाद्य वाजविणे किंवा गाणी म्‍हणणे, कोणत्‍याही प्रकारचा निवडणूक प्रचार करण्यास प्रतिबंध करण्‍यात आले आहे.
शासकीय वाहनाच्‍या गैरवापरास प्रतिबंध 
निवडणुकीचे कालावधीत जिल्‍ह्यातील होणा-या नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात कोणत्‍याही वाहनांच्‍या ताफ्यामध्‍ये तीन पेक्षा जास्‍त मोटारगाडया अथवा वाहने (Cars / Vehicles) वापरण्‍यास प्रतिबंधीत करण्‍यात आले आहे.
उमेदवारांचे नामनिर्देशनपत्र दाखल करताना
अवलंब करावयाची कार्यपध्‍दत
निवडणूक कालावधीत  निवडणूक निर्णय अधिकारी यांच्‍या कार्यालयात उमेदवारांनी नामनिर्देशनपत्र दाखल करते वेळेस निवडणूक निर्णय अधिकारी यांच्‍या कार्यालयात वाहनांच्‍या ताफ्यामध्‍ये तीन मोटारगाड्या, वाहने यांचा ताफ्यात समावेश असावा तसेच नामनिर्देशनपत्र दाखल करते वेळेस निवडणूक निर्णय अधिकारी यांचे दालनात पाच व्‍यक्‍ती उपस्थित राहतील या व्‍यतिरिक्‍त कोणालाही निवडणूक निर्णय अधिकारी यांच्‍या दालनात प्रवेश दिला जाणार नाही. निवडणूक निर्णय अधिकारी यांचे कार्यालयात नामनिर्देशनपत्र दाखल करते वेळेस कार्यालयाच्‍या परिसरात मिरवणूक, सभा घेणे, कोणत्‍याही प्रकारच्‍या घोषणा देणे, वाद्य वाजविणे किंवा गाणी म्‍हणणे आणि कोणत्‍याही प्रकारचा निवडणूक‍ प्रचार करण्यास प्रतिबंधीत करण्‍यात आले आहे.
हा आदेश जिल्‍ह्यातील होणा-या नगरपरिषद, नगरपंचायत सार्वत्रिक निवडणूक करिता निवडणूक निर्णय अधिकारी यांच्‍या कार्यालयात उमेदवारांनी नामनिर्देशनपत्र दाखल करण्‍यासाठी दिनांक 19 नोव्‍हेंबर 2016 रोजी सकाळी 11 वाजेपासून दिनांक 25 नोव्‍हेंबर 2016 दुपारी 3  वाजेपर्यत ( दिनांक 20.11.2016 रविवार वगळून ) पर्यंत अंमलात राहतील.
सार्वजनिक ठिकणी पक्षांचे चित्रे,
चिन्‍हांचे कापडी फलके, भाषणावर निर्बंध
नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात सार्वजनिक ठिकाणी पक्षांचे चित्रे, चिन्‍हांचे कापडी फलके, सार्वजनिक ठिकाणी भाषण देण्यास प्रतिबंधीत करण्‍यात आले आहे.

शासकीय, निमशासकीय, सार्वजनिक मालमत्‍तेची
विरुपता करण्‍यास निर्बंध 
निवडणूकीचे कालावधीत शासकीय, निमशासकीय, सार्वजनिक मालमत्‍तेची प्रत्‍यक्ष किंवा अप्रत्‍यक्ष स्‍वरुपात विरुपता करण्‍यास प्रतिबंधीत करण्‍यात आले आहे. हे आदेश दिनांक 19 डिसेंबर 2016 रोजीच्या मध्यरात्री पर्यंत अंमलात राहतील.
निवडणूक प्रचारासाठी वापरण्‍यात येणा-या वाहनांवर
पक्ष प्रचाराचे कापडी फलके, झेंडे लावणे इत्‍यादी बाबीस प्रतिबंध
निवडणूकीचे कालावधीत जिल्‍ह्यातील होणा-या नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात निवडणूक प्रचारासाठी वापरण्‍यात येणा-या वाहनांवर पक्ष प्रचाराचे कापडी फलक, झेंडे लावणे इत्‍यादी बाबीसाठी पुढील प्रमाणे आदेश देण्यात आले आहेत.
फिरत्‍या वाहनांनवर पक्ष प्रचाराचा झेंडा हा वाहनाच्‍या डाव्‍या बाजुला विंड स्‍क्रीन ग्‍लासच्‍या पुढे राहणार नाही आणि तो त्‍या वाहनाच्‍या टपापासून 2 फुट उंची पेक्षा जास्‍त राहणार नाही. प्रचाराच्‍या फिरत्‍या वाहनावर कापडी फलक वाहन चालकाच्‍या आसनामागे वाहनाच्‍या डाव्‍या व उजव्‍या बाजुनेच लावण्‍यात यावा, इतर कोणत्‍याही बाजूस तो लावता येणार नाही. फिरत्‍या वाहनावर लावावयाचा पक्ष प्रचाराचा झेंडा किंवा कापडी फलक संबंधीत पक्षाचे जिल्‍हाध्‍यक्ष, उमेदवार व उमेदवाराचे निवडणूक प्रतिनिधी यांच्‍या वाहना व्‍यति‍रीक्‍त इतर कोणत्‍याही वाहनावर लावता येणार नाही.
सार्वजनिक ठिकाणी तात्‍पुरती पक्षकार्यालये स्‍थापन करण्‍यावर निर्बंध
निवडणुकीचे कालावधीत जिल्‍ह्यातील होणा-या नगरपरिषद, नगरपंचायत सार्वत्रिक निवडणूक हद्दीत व हद्दीच्‍या बाहेर एक किलो मिटर परिसरात धार्मिक स्‍थळे, रुग्‍णालये किंवा शैक्षणिक संस्‍था व सार्वजनिक ठिकाणाच्या जवळपास तात्‍पुरती पक्ष कार्यालये स्‍थापन करण्‍यास प्रतिबंधीत करण्‍यात आले आहे.
मतदान केंद्र, मतमोजणी केंद्र परिसरात प्रतिबंध
जिल्‍ह्यातील  होणा-या नगरपरिषद, नगरपंचायत सार्वत्रिक निवडणूक हद्दीत ज्‍या ठिकाणी रविवार 18 डिसेंबर 2016 रोजी मतदान होणार आहे अशा मतदान केंद्रापासून 200 मीटर परिसरात व सोमवार 19 डिसेंबर 2016 रोजी ज्‍या ठिकाणी मतमोजणी होणार आहे अशा मतमोजणी केंद्रापासून 200 मीटर परिसरात सर्व पक्षकारांचे मंडपे, सर्व दुकाने, मोबाईल, कॉडलेस फोन, पेजर, वायरलेस सेट, ध्‍वनीक्षेपके, सर्व प्रकारचे फेरीवाले व इतर इलेक्‍ट्रॉनिक्‍स उपकरणे, निवडणुकीच्‍या कामाव्‍यतीरिक्‍त खाजगी वाहन, संबंधीत पक्षाचे चिन्‍हांचे प्रदर्शन व निवडणुकीच्‍या कामाव्‍यतीरिक्‍त व्‍यक्‍तीस प्रवेश करण्‍याकरीता प्रतिबंधीत करण्‍यात आले आहे.
हा आदेश जिल्‍ह्यातील होणा-या नगरपरिषद, नगरपंचायत सार्वत्रिक निवडणूक हद्दीत मतदानाच्‍या दिवशी मतदान केंद्र परिसरात रविवार 18 डिसेंबर रोजी मतदान सुरु झाल्‍यापासून मतदान संपेपर्यन्‍त व मतमोजणीच्‍या दिवशी मतमोजणी केंद्र परिसरात सोमवार 19 डिसेंबर  रोजी मतमोजणी सुरु झाल्‍यापासून मतमोजणी संपेपर्यन्‍त अंमलात राहील.
00000
नांदेड विधानपरिषद निवडणुकीसाठी
डॉ. जगदीश पाटील निवडणूक निरीक्षक
            नांदेड दि. 2 :- महाराष्ट्र विधान परिषदेच्या नांदेड स्थानीक प्राधिकारी मतदारसंघाच्या निवडणुकीसाठी भारत निवडणूक आयोगाने डॉ. जगदीश पाटील यांची निवडणूक निरीक्षक म्हणून नियुक्ती केली आहे. त्यासाठी डॉ. पाटील आज नांदेड येथे दाखल झाले आहेत. डॉ. पाटील या निवडणूक प्रकियेबाबत कामकाज पाहतील.
           विधानपरिषद निवडणुकीच्या जाहीर झालेल्या कार्यक्रमानुसार व भारत निवडणूक आयोगाने विहित केलेल्या प्रक्रियेबाबत डॉ. पाटील निवडणूक यंत्रणेकडून आढावा घेतील. डॉ. पाटील हे भारतीय प्रशासकीय सेवेतील अधिकारी असून सध्या ते बेस्ट मुंबईचे महाव्यवस्थापक आहेत. 
डॉ. पाटील यांच्याकडे निवडणूक कार्यक्रमाच्या प्रभावी अंमलबजावणीबाबत तसेच आचारसंहिता आणि अनुषंगीक बाबींबाबत त्यांच्याकडे सूचना, माहिती , तक्रारी दाखल करता येतील. त्यासाठी ते गुरुवार 3 नोव्हेंबर ते शनिवार 5 नोव्हेंबर या कालावधीत दुपारी 3 ते 4 यावेळेत जिल्हाधिकारी कार्यालय येथे उपलब्ध राहतील. त्यांचा संपर्क भ्रमणध्वनी क्रमांक – 8879222001 असा आहे. याची संबंधितांनी नोंद घ्यावी, असे आवाहन जिल्हा निवडणूक कार्यालयाच्यावतीने केले आहे.

000000