Saturday, October 1, 2016

पिडीत महिलांना विधी सहाय्यासाठी
विधी चिकित्सालयाची स्थापना
नांदेड, दि. 2 :- जिल्हा विधी सेवा प्राधिकरणमार्फत नुकतेच अर्धापूर तालुक्यातील श्री साईनाथ लोककला केंद्र भोकरफाटा दाभड येथे पिडीत महिलांच्या  मदतीसाठी  विधी चिकित्सालयाची  स्थापना  करण्यात आली आहे. या चिकित्सालयासाठी अर्धापूर तालुक्यातील लोण येथील अश्विनी गोवंदे व छाया लोणे यांची पीएलव्ही म्हणून तर मार्गदर्शन, समस्या सोडवणे, कायदेशीर कार्यवाहीसाठी अॅड.  प्रविण अयाचित व अॅड. विजय गोणारकर यांची पॅनल विधिज्ञ म्हणून नेमणूक करण्यात आली आहे.
यावेळी जिल्हा विधी सेवा प्राधिकरणाचे  सचिव न्यायाधीश  ए. आर. कुरेशी मार्गदर्शन करताना म्हणाले, पिडीत महिलांनी पीएलव्ही व विधीज्ञांचा सल्ला घेवून आडचणी दूर कराव्यात. अॅड. अयाचित, अॅड गोणारकर, अॅड. के. एम. सोनुले, अॅड. अर्चना घोरपडे, अॅड. पंचशिला झगडे यांनी मार्गदर्शन केले. शाहीर रमेश गिरी, कलाकेंद्राच्या प्रमुख विद्याताई काळे, मिनाताई काळे, सचिन काळे, बेगम बाबालाल कळवात, मिनाताई परभणीकर, शाम कांबळे, नितीन काळे, ज्येष्ठ कलावंत कांताबाई पवार, बबनबाई लोदगेकर  यांनी मनोगत व्यक्त केले.

000000

No comments:

Post a Comment

वृत्त क्र. 283

  वृत्त क्र.   283 निवडणूक खर्च निरीक्षक नांदेडमध्ये दाखल ; खर्चावर काटेकोर लक्ष ठेवण्याचे आवाहन नांदेड, दि. 28 : लोकसभा निवडणूक ही अतिशय गं...