विशेष घटक योजनेअंतर्गत लाभार्थी निवडीसाठी

प्रस्ताव पाठविण्याची 30 सप्टेंबर पर्यंत मुदत

नांदेड, दि. 3 :-  सन 2016-17 या वर्षामधील विशेष घटक योजनेअंतर्गत नवीन विहीर व इतर बाब घटकांचा लाभ देण्यासाठी पात्र लाभार्थ्यांचे प्रस्ताव आवश्यक सर्व कागदपत्रांसह संबंधीत तालुक्यातील गटविकास अधिकारी कार्यालयास शुक्रवार 30 सप्टेंबर 2016 अखेर पर्यंत पाठवावेत, असे आवाहन जिल्हा परिषदेचे अतिरिक्त मुख्य कार्यकारी अधिकारी यांच्यावतीने कृषि विकास अधिकारी यांनी केले आहे. 

प्रस्तावासोबत लागणारी कागदपत्रे पुढील प्रमाणे असतील. लाभार्थ्यांचा योजनेचा लाभ मिळणेबाबत विनंती अर्ज. अर्जात कोणत्या बाबीचा लाभ घेण्यास इच्छूक आहेत याचा उल्लेख असावा. जसे नवीन विहीर  किंवा इतर बाब. संबंधीत तालुक्याचे तहसिलदार यांनी दिलेले सन 2015-16  या वर्षाचे उत्पन्नाचे प्रमाणपत्र. लाभधारकाच्या शेत जमिनीचा  चालु वर्षाचा सात-बाराची प्रत, जमिनीचा टोच नकाशाची प्रत व 8-अ. लाभधारकाच्या प्रस्तावासोबत सन 2002 च्या सर्वेक्षणानुसार दारिद्रय रेषेखालील यादीमध्ये नाव समाविष्ट  असल्याबाबत संबंधित लाभार्थ्याचे दारिद्रयरेषेचा यादी क्रमांक उल्लेख असलेले गट विकास अधिकारी यांचे मुळ प्रमाणपत्र. योजनेत अथवा इतर योजनेत नवीन विहीर घटकाचा लाभ घेतला नसल्याबाबतचे कृषि अधिकारी  ( विघयो ) यांचे  प्रमाणपत्र, गटविकास  अधिकारी यांचे प्रतिस्वाक्षरीसह (मुळ). लोकसंख्या नियंत्रण धोरणानुसार 1 मे 2001 नंतर दोन पेक्षा जास्त आपत्य नसल्याबाबत संबंधित गावाच्या  ग्रामसेवकाचे विहित  नमुन्यात मुळ प्रमाणपत्र.जात प्रमाणपत्राची साक्षांकित छायांकित प्रत. नवीन विहीर या घटकाचा लाभ घेणारे प्रस्तावधारकासाठी संबंधीत गट नंबरमध्ये विहीर नसल्याचे तलाठी  यांचे मुळ प्रमाणपत्र. नवीन विहीर या घटकाचा लाभ घेणा-या प्रस्ताव धारकासाठी इतर योजनेतून जसे एमआरईजीएस, जवाहर विहीर योजना  विहिरीसाठी  लाभार्थ्याची  निवड  करण्यात आली  नसल्याबाबतचे  ग्रामसेवकाचे प्रमाणपत्र. अर्जदार शासकीय किंवा निमशासकीय सेवेत नसल्याबाबत ग्रामसेवक यांचे प्रमाणपत्र. महाराष्ट्र ग्रामीण रोजगार हमी  योजनामध्ये ज्या लाभार्थींनी विहिरी घेतल्या आहेत व त्या यशस्वी  झालेल्या आहेत अशा पात्र लाभार्थ्यांचे प्रस्ताव प्राधान्याने इतर बाबीसाठी (मोटार,पाईपलाईन व इतर अनुषंगीक ) मागवावेत. ग्रामसभेचा निवड करणे बाबतचा ठराव. रेशनकार्डची सत्य प्रत प्रस्तावासोबत सादर करावी. संयुक्त खातेदार असल्यास कुटुंबात एकुण जमीन धारणाचे प्रमाण पत्र. सरपंच व ग्रामसेवक ग्राम विकास अधिकारी यांनी दिलेले रहिवाशी प्रमाणपत्र. मतदान ओळखपत्र व आधार कार्डाची झेरॉक्स. कृषि अधिकारी (विघयो) यांचा स्थळ पाहणी अहवाल.योजनेच्या मार्गदर्शक सूचनेमध्ये दिलेल्या विविध प्रपत्रानुसार माहिती जोडावी.

लाभार्थी निवडीचे अटी व शर्ती पुढील प्रमाणे राहतील. लाभार्थी  हा अनुसूचित जातीचा असावा. लाभधारकाचे नावे विघयो अंतर्गत किमान 0.40 हेक्टर व कमाल 6.0 हेक्टर मर्यादेपर्यंत शेत जमीन लाभधारकाचे नावे असणे आवश्यक आहे. लाभधारकाचे सन 2015-16 या वर्षाचे आर्थिक उत्पन्न 50 हजार रुपये किंवा त्यापेक्षा कमी असणे आवश्यक आहे. दारिद्रयरेषेखालील (बीपीएल) शेतक-यांसाठी वार्षिक उत्पन्नाच्या मर्यादेची अट राहणार नाही. विघयो योजनेसाठी लाभधारकाचे नाव सन 2002 च्या सर्वेक्षणानुसार दारिद्रयरेषेच्या  यादीमध्ये समाविष्ट असणे आवश्यक आहे. लाभधारकास 1 मे 2001 नंतर दोन पेक्षा जास्त  अपत्य झालेले नसावे. लाभधारकाची यापूर्वी विघयो योजनेत निवड झाली असल्यास व लाभ घेतला असल्यास तसेच जवाहर व इतर विहिरीच्या योजनेचा लाभ घेतलेला असल्यास संबंधित लाभार्थी चालू वर्षी  निवडीसाठी अपात्र राहिल. मार्गदर्शक सुचनाप्रमाणे  प्रस्ताव धारकाकडे असलेल्या क्षेत्र धारणे नुसार निवड यादीमध्ये प्राधान्यक्रम देण्यात येइल 2 हेक्टर पर्यंत क्षेत्र असल्यास प्रथमप्राधान्य, 2 ते 4 हेक्टर क्षेत्र  असल्यास द्वितीय प्राधान्य व 4 ते 6 हेक्टर क्षेत्र असल्यास तृतीय प्राधान्य याक्रमाने यादी तयार करण्यात येणार आहे. त्यामधून जिल्हयासाठी ठरविण्यात आलेला लक्षांक 5 हजार 200 लाभार्थीच्या मर्यादेत  लाभधारकाची निवड करण्यात येईल. यापुर्वी योजनेचा लाभ घेतलेले लाभार्थी निवडीस पात्र राहणार नाहीत. प्रस्तावासोबत जोडण्यात येणारी सर्व कागदपत्र साक्षांकित करुनच जोडावीत, अन्यथा अर्ज अपात्र होईल.

सन 2011 च्या जनगणनेनुसार तालुक्यातील ग्रामीण लोकसंख्येच्या प्रमाणात अनु.जातीच्या लोकसंख्येवर आधारीत लाभार्थी निवडीचे उददीष्ट दर्शविणारा तक्ता (अनु.जाती)

अं.क्रं.	तालुका	अनु.जाती
		अनुसूचीत जातीची लोकसंख्या	अनुसूचीत जातीचे लोकसंख्येची टक्केवारी	सन 2016-17 करिता अनु.जाती उपयोजने अंतर्गत (विशेष घटक योजने करिता)अनुसूचीत जातीचे लाभार्थी निवडीचे उददीष्ट
1	नांदेड	145676	22.74	1182
2	मुदखेड	19961	3.12	162
3	अर्धापूर	19976	3.12	162
4	बिलोली	36323	5.67	295
5	धर्माबाद	18794	2.93	152
6	नायगांव	40718	6.35	330
7	मुखेड	65542	10.24	532
8	कंधार	52795	8.25	429
9	लोहा	41604	6.49	337
10	हदगांव	56361	8.79	457
11	हिमायतनगर	15066	2.35	122
12	भोकर	21968	3.43	178
13	उमरी	20354	3.18	165
14	देगलुर	52191	8.15	424
15	किनवट	24569	3.84	200
16	माहुर	8585	1.35	73
एकुण		640483	100	5200

0000000